ابو ذيات

جنت لاحباب قلعه..الهم اني
وصرت بيت وموزع..للهم اني
عجب تجني على روحي..الهه اماني
واكبر امنياتي تصير اليه
.
اكبر امنيه لروحي ..انتم الهه
وابد ماتمل حبك..انته املهه
وكلبك للعواذل..انتمه الهه
لجن غيرت باطباعك عليه
.
لجن غيرت باطباعك و..ملكاك
وحجي العاذل غسل مخك..وملكك
قوي واقفل اذا ردتك..واملكك
واخليك العبد مابين اديه
.
اخليك العبد وابقى ..امر انه
وصعب من المرورة..امر انه
الجبوري تدير وجهك..منامر انه
كبل من امر تاخذلي تحيه
..
كبل من امر تاخذلي سلامن
وعقلي من الورع اكبر..سله من
ترة من تعوفني تقرة ..سلامن
على روحك وعالدنيه الرديه