منتديات العراق في دمي

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي







منتديات العراق في دمي


 
الرئيسيةالبوابةدخولمكتبة الصورالتسجيل

اهلا ومرحبا بكم في منتديات العراق في دمي

نتمنى لكم طيب الاقامة معنا

وان شاءالله تستفادون منا ونستفاد منكم

يا ضيفنا لو زرتنا لوجدتنا نحن الضيوف وانت رب المنزل
اخيكم الدبلوماسي

شاطر | 
 

 .+.*+.طفولة عضو.+.*.+.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بغداد لا تتألمي
المراقب العام
المراقب العام


علم الدولة التي تنتمي لها : علم العراق
الجنس : انثى عدد المشاركات : 218
العمر : 29
الوظيفة او المهنة : خواطر...رسم
تاريخ التسجيل : 03/09/2009

مُساهمةموضوع: .+.*+.طفولة عضو.+.*.+.   2009-09-27, 8:11 am

* صبآحكم \\\\ مسآئكم سكر*

موضوعي اليوم...عن براءة الطفولة

رحلة مع عضو

الى عالم ذكرياته

مع تلك المرحلة البريئة في حياة الانسان

لنتأمل معاً

ونرجع لتلك المرحلة ولو بمخيلتنا


..






الموضوع عباره عن اسئله للعضو ....ويتم الجواب .....




وبعده يختار ضيف ثاني .....




اتمنى ينال اعجابكم



ونبدي بآلأسئله ....







نشيد كنت تحبه أيام الطفوله ؟؟ما هو ؟




شخصيه كرتونيه كنت تحبها ؟؟صوره اله ؟


كيف كنت ايام طفولتك شيطاني ولامؤدب ؟؟



اذكر لنا موقف عرضت فيه اهلك للاحراج؟؟



هل كنت شخص ذو شخصيه قويه أم مغلوب عليه ؟


اصابه انصابيت بيه لحد الان اثاره ..شنو هي ومن منو ؟





اكبر عيديه جمعتها كم ؟؟ ومن منو ؟؟



من كنت صغير شنو هي تسريحتك المفضلة ؟؟



مكان كنت تحب تروحه دائما ؟


اجمل رحله مدرسيه ؟ وين كانت ...ويا منو ؟


اسم اول مدرسه دخلته ...واسم الروضه ايضاً؟



اكبر مغامره قمت فيها وانت صغير.؟


من هو الشخص اللي يقع دائمأ في شر اذيتك..؟



من كنت صغير كنت تترأس عصابه ام انك كنت عضو فيها فقط؟؟



من كـان يدلعك أكثر أبوك او أمك ؟



اســم دلعك بالطفوله لحد الان ينادونك فيـه ؟؟ وماهو ؟



بطفولتك كنت تبكي إذا ماجلست بالرحله الاولىآ بالصف ؟؟


كنت تبجي هوايه لو قليل ؟



كنت دبدوب وانت صغير او نحيف..؟؟؟



هل عندك لعبه موجوده من صغرك إلى الآلآن ؟ وماهي ؟؟


صوره اله اذا موجوده؟



شنو اكـثـر اكله كنـت تحبها ..؟


اكله ما جنت تحبه ؟



شنو سويت اول يوم رحت فيه المدرسه..؟



شنو اسم اول مـدرس درسك ..؟


شنو جنت لابس بهذا اليوم ؟



متذكر اسماء اصحابك ؟ شنو اسمه اكثر واحد كنت تعزه؟



وانت صغير يشبهوك على منو من العائله..؟



شنـو أحلىآ هديه استلمتهـآ؟



من كنت تروح لمدينه الالعاب شنو اكثر لعبه كنت تحب تركبهـآ ؟



من كنت تسوي وكاحه منو كان يكتلك ابوك لو امك ؟



شنو اكثر لعبه كنت تحب تلعبها (يعني ختيلان , ركيضان , بيت بيوت ......الخ )؟



كنت مسجل روضه <<احجيلنه شويه علىآ فعالياتك بيها ؟؟



كم مرة مكَتول بالعصايه بالمدرسه؟؟



بالابتدائيه كنت تاخذ عشرات لوو كنت كسّوول ؟؟



و


خلصت الاسئله ....



اتمنى نال اعجابكم ....



واول عضوة راح تكون ويانا


هي

بنت


رئيسة اقسام قسم الاسرة

بانتظاركِ
الرجوع الى أعلى الصفحة اذهب الى الأسفل
بنت الذكريات
المراقب العام
المراقب العام


علم الدولة التي تنتمي لها : علم العراق
الجنس : انثى عدد المشاركات : 791
العمر : 26
الوظيفة او المهنة : هُدُوْئــي لَيْس حَآلَه مِن الْعُزْلَه وَلَكِن هَكَذَا هُم | الْمُلُوك ..~
تاريخ التسجيل : 25/09/2009

مُساهمةموضوع: رد: .+.*+.طفولة عضو.+.*.+.   2009-12-02, 10:33 pm

نشيد كنت تحبه أيام الطفوله ؟؟ما هو ؟
انتي الامان انتي الحنان من تحت قدميكي لنا الجنان عندما تضحكين تضحك الحياة


تزهر الامال في طريقنا نحس بالامان
امي امي امي
نشيد مال ريمي




شخصيه كرتونيه كنت تحبها ؟؟صوره اله ؟
فلة والاقزام السبعة




كيف كنت ايام طفولتك شيطاني ولامؤدب ؟؟
يعني نص ونص



اذكر لنا موقف عرضت فيه اهلك للاحراج؟؟
اتذكر مرة بابا اخذني للمعمل وياه
جان شافنه صديقة سلم على بابا
وقرصني من خدي
واني من جنت صغيرة جان لساني طويل للصراحة
فا كتلة اه يا حمار
جان الرجل كال اوف تعالي ويايا
اخذني اشترالي موطة ورجعني
وبابا شون صار خطية



هل كنت شخص ذو شخصيه قويه أم مغلوب عليه ؟
لا جنت دا ئما مغلوب عليا وجنت كلش طيبة
حتى الي هو يزعلني اني اروح اصالحه


اصابه انصابيت بيه لحد الان اثاره ..شنو هي ومن منو ؟
وكعت لمن جان عمري سنتين بالشارع وانفجخت بكصتي
والي حد هسه موجود آثرها
وسسببها اني جنت لابسة حذاء حديد حتى تتعدل رجليا وجان اول يوم امشي بيه وكعت





اكبر عيديه جمعتها كم ؟؟ ومن منو ؟؟
من ماما 30دينار



من كنت صغير شنو هي تسريحتك المفضلة ؟؟
ارنوبين


مكان كنت تحب تروحه دائما ؟
مدينة الالعاب


اجمل رحله مدرسيه ؟ وين كانت ...ويا منو ؟
ما طالعة رحلة مدرسية ابد لان ولا مرة
درست بمدرسة وطلعنا رحلة

اسم اول مدرسه دخلته ...واسم الروضه ايضاً؟
المدرسة جان اسمها
الجيل الصاعد
وروضو ما دخلت لان نحنا مو بالعراق ولمن طلعنا لليبيا جان عمري 3سنوات
وبليبا ماكو روضات بوكت اللي اجينا بيه



اكبر مغامره قمت فيها وانت صغير.؟
لعبت دعابل ويا ولد صفي وخسرت جانت كلش حلوه اللعبة


من هو الشخص اللي يقع دائمأ في شر اذيتك..؟
اختي اللي اكبر مني



من كنت صغير كنت تترأس عصابه ام انك كنت عضو فيها فقط؟؟
ما جنت احب هاي السوالف
جنت بس اريد العب
وماما ما جانت تقبل بهيج شغلات لان تعرف ما يجي من وراها الا المصايب



من كـان يدلعك أكثر أبوك او أمك ؟
بابا



اســم دلعك بالطفوله لحد الان ينادونك فيـه ؟؟ وماهو ؟
آمونة



بطفولتك كنت تبكي إذا ماجلست بالرحله الاولىآ بالصف ؟؟
لا عادي اني جنت حبابة



كنت تبجي هوايه لو قليل ؟
لا قليل



كنت دبدوب وانت صغير او نحيف..؟؟؟
دبدوبة



هل عندك لعبه موجوده من صغرك إلى الآلآن ؟ وماهي ؟؟
هي مو لعبة بس مثل التحفة على شكل مرجوحة وعليها ولد وبنية صغار


صوره اله اذا موجوده؟



شنو اكـثـر اكله كنـت تحبها ..؟
الدولمة والي حد هسه


اكله ما جنت تحبه ؟
الباجة والي حد هسه ما احبها



شنو سويت اول يوم رحت فيه المدرسه..؟
اني جنت دائما ابجي اريد اروح للمدرسة ويا اختي
فا سجلوني عمري 5سنوات
درست مستمعة بس جنت اروح للمدرسة
واول يوم رحت بيه جان يومها كلش حلو وتونست



شنو اسم اول مـدرس درسك ..؟
ابلة جميلة


شنو جنت لابس بهذا اليوم ؟
ما اتذكر والله




متذكر اسماء اصحابك ؟ شنو اسمه اكثر واحد كنت تعزه؟
اي
اية وطيبة ووداد ونجاة واميرة وغزالة وامنينة
واكثر وحدة جنت اعزها طيبة ولو جانت خبيثة ودا ئما تخبث عليا



وانت صغير يشبهوك على منو من العائله..؟
على بابا والي هسه يشبهوني بيه



شنـو أحلىآ هديه استلمتهـآ؟
جانت لعبة باربي جبيرة



من كنت تروح لمدينه الالعاب شنو اكثر لعبه كنت تحب تركبهـآ ؟
سيارات التصادم



من كنت تسوي وكاحه منو كان يكتلك ابوك لو امك ؟
ماما / بس ما جانت تبسطني هويا جانت ترزلني اكثر



شنو اكثر لعبه كنت تحب تلعبها (يعني ختيلان , ركيضان , بيت بيوت ......الخ )؟
بيت بيوت



كنت مسجل روضه <<احجيلنه شويه علىآ فعالياتك بيها ؟؟
لا والله ما سجلت روضة لان لمن اجينا ليبيا ب1979ما جان اكو روضات
فاتتني



كم مرة مكَتول بالعصايه بالمدرسه؟؟
هوايا وكلها على الوكاحة
او عقاب جماعي
حتى مرة بخامس ابتدائي
انكسرت ايدي



بالابتدائيه كنت تاخذ عشرات لوو كنت كسّوول ؟؟
لا جنت شطورة دائما عشورات ومن الاوائل والي حد هسه
الحمد لله


تسلمين غلاتي على الاستضافة الروعة
لقد استمتعت بالاجابة على الاسءلة كثيرا
فقد ابحرتي بي الي ذكريات طفولتي
دمتي بود


_________________
[][center]نحَنْ كـْ مُكعَبآتْ السُكَرِ ..!

نَذّوبْ ونتَلآشِىَ

لِكنَنآ نبَقِىْ / لآخِرَ رَشفَة فيّ الفنَجآنْ ‘
...:
هَكذّآ عَلمنَآ الوُفآءْ ,،

أنْ نبَقىِ رُغمَ سُخوَنة القَهوُة ..!
الرجوع الى أعلى الصفحة اذهب الى الأسفل
 
.+.*+.طفولة عضو.+.*.+.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العراق في دمي :: ؛¤ّ,¸¸,ّ¤؛°`°؛¤ الأقسام العامه ¤؛°`°؛¤ّ,¸¸,ّ¤؛ :: مضيف العراق في دمي-
انتقل الى: